کھیلنے کے لیے دوستوں کی ضرورت باقی نہیں رہی
نئی دہلی(نیٹ نیوز)بھارت میں ایک ایسا روبوٹ بنایا گیا ہے جو انسانوں کے ساتھ بیڈمنٹن کھیل سکتا ہے ۔
گجرات سائنس سٹی، احمد آباد میں شوٹ کی گئی ویڈیو میں دیکھا جاسکتا ہے کہ ایک روبوٹ اور ایک شخص بیڈ منٹن کھیل رہے ہیں۔یہ روبوٹ مصنوعی ذہانت کے تحت تیار کیا گیا ہے جو بیڈ منٹن کھیل سکتا ہے ۔روبوٹ کے مشینی ہاتھ میں بیڈمنٹن کا ریکٹ ہے ، مشینی آنکھیں شٹل کاک کی طرف متوجہ ہیں جبکہ سینسرز کی مدد سے روبوٹ بیڈمنٹن کورٹ میں حرکت کر رہا ہے ۔
سوشل میڈیا صارفین نے اس ویڈیو پر خوشگوار حیرت کا اظہار کیا، بعض افراد کا کہنا تھا کہ جب انہیں کھیلنے کے لیے کوئی دوست نہ میسر ہو تو ایسے وقت میں یہ روبوٹ کام آئے گا۔ویڈیو میں دیکھا جا سکتا ہے کہ روبوٹ نے بہتر طریقے سے کھیل کا مظاہرہ کیا ہے ۔
روزنامہ دنیا ایپ انسٹال کریں
