مگرمچھ 6سال بعد گردن میں پھنسے ٹائرسے آزاد ہو گیا
جکارتہ(نیٹ نیوز)انڈونیشیا میں ایک مگرمچھ کو 6 سال بعد گردن میں پھنسے ٹائرسے آزادی مل گئی۔انڈونیشیا میں6سال سے گردن میں موٹر سائیکل کا ٹائرلے کرتیرنے والے مگرمچھ کوبالآخر ٹائرسے آزادی مل گئی۔
انڈونیشیا کے جزیرے سیلاوسی میں 13 فٹ سے زائد لمبے مگرمچھ کے گلے میں 6 سال قبل ایک ٹائرپھنس گیا تھا۔ جانوروں سے متعلق تنظیموں اورمقامی افراد نے متعدد بارمگرمچھ کے گلے سے ٹائرنکالنے کی کوششیں کیں لیکن ناکام رہے ۔مقامی لوگوں میں ‘ہاروالا مگرمچھ ’ کے نام سے مشہورمگرمچھ کے گلے سے ٹائرنکالنے کے انتظامیہ نے انعام کا اعلان بھی کیا تھا لیکن کوئی بھی ٹائرنہ نکال سکا۔ہربارجال سے بچ نکلنے والا مگرمچھ بلآخر اب جال میں پھنس گیا جس کی گردن سے ٹائرنکال کراسے واپس دریا میں چھوڑدیا گیا۔
روزنامہ دنیا ایپ انسٹال کریں
