خاتون رینجر نے 100 برس کی عمر میں ریٹائرمنٹ لے لی
واشنگٹن (نیٹ نیوز)امریکا کے نیشنل پارک کی معمر ترین خاتون رینجر سو برس کی عمر میں ریٹائرڈ ہوگئیں۔
غیر ملکی میڈیا کے مطابق امریکی ریاست کیلیفورنیا کے نیشنل پارک کی عمررسیدہ خاتون رینجر بیٹی ریڈ سوسکن نے 100 سال کی عمر میں ریٹائرمنٹ لے لی۔معمر خاتون رینجر نے رچمنڈ شہر میں واقع روزی دی ریوٹر، ڈبلیو ڈبلیو آئی آئی ہوم فرنٹ نیشنل تاریخی پارک میں 15 سال خدمات انجام دی۔ریٹائرمنٹ کے موقع پر خاتون رینجر کا کہنا تھا کہ بطور رینجر اپنے فرائض انجام دینا بہت اہم اور زندگی کے یادگار لمحات میں سے ایک ہے ۔اس عمر میں فرائض انجام دینا کسی اعزاز سے کم نہیں،انہیں اپنی ان 15 سالہ خدمات پر ہمیشہ فخر رہے گا۔
روزنامہ دنیا ایپ انسٹال کریں
