ڈولفن مچھلیوں نے بھی نشہ کرنے کا ذریعہ ڈھونڈ نکالا
لندن(نیٹ نیوز)ڈولفنز کو حیوانوں کی دنیا میں سب سے زیادہ ذہین جانور سمجھا جاتا ہے اور ماہرین کا خیال ہے کہ اسی سمجھداری کا استعمال کرتے ہوئے انہوں نے نشہ کرنے کا ذریعہ ڈھونڈ نکالا ہے۔
ایک ڈاکومینٹری میں فلمائے گئے غیر معمولی مناظر میں نوجوان ڈولفنز کو ایک خاص قسم کی پفر مچھلی جو اعصاب کو متاثر کرنے والا زہر خارج کرتی ہے ، کے ساتھ چھیڑتی خانی کرتے دکھایا گیا ہے ۔اگرچہ زہر کی بڑی مقدار جان لیوا ہو سکتی ہے لیکن تھوڑی مقدار میں یہ ایک نشہ آور اثر پیدا کرنے کے لیے جانا جاتا ہے ۔ڈولفنز مچھلی کو احتیاط سے چبا کر ایک دوسرے کو منتقل کرتی ہیں جس کے بعد وہ بے خودی کی کیفیت میں چلی جاتی ہیں۔ راب پلے جو کہ ایک ماہر حوانیات ہیں نے بتایا کہ پفر کو آہستگی سے چبانے کے بعد ڈولفنز نے انتہائی عجیب و غریب رویہ اپنایا۔ پانی کی سطح پر اپنی ناک کے ساتھ ایسے کھڑی ہوگئیں جیسے لٹکی ہوئی ہوں یا اپنے عکس نے انہیں مبحوت کردیا ہو۔
