شادی شدہ جوڑا 311 سال پُرانا ڈاک خانہ چلا ئے گا
ایڈنبرا(نیٹ نیوز)برطانوی نژاد امریکی دنیا کا سب سے پرانا پوسٹ آفس چلانے اہلیہ کے ساتھ امریکا سے سکاٹ لینڈ پہنچ گیا۔
برطانوی علاقے لنکن شائر سے تعلق رکھنے والے بیری فورڈ اور شمالی لینرک شائر سے تعلق رکھنے والی ان کی اہلیہ میری گزشتہ 20 سالوں سے امریکی ریاست فلوریڈا میں زندگی بسر کر رہے تھے ۔تین سال قبل ان کو 311 برس پُرانے سینکواہر ڈاک خانے کی فروخت کے متعلق علم ہوا جس کے بعد انہوں نے اس کو خریدنے کی کوشش کی۔ بیری فورڈ لیک لینڈ میں ایک کمپنی کے مالک ہیں جو نجی ہوائی جہاز مالکان کے لیے ان کے جہازوں کو صاف کرتی ہے ۔ دونوں برطانیہ میں ایک کاروبار خریدنا چاہتے تھے جہاں ان کی بیمار مائیں زندگی بسر کر رہی تھیں۔وہ یہ کاروبار خریدنے میں کامیاب ہوگئے ۔ڈاک خانہ خریدنے کے بعد بیری فورڈ دنیا کے سب سے پرانے ڈاک خانے کے 17ویں پوسٹ ماسٹر بن گئے ہیں۔
روزنامہ دنیا ایپ انسٹال کریں
