ایک صدی بعد کتاب لائبریری کو واپس لوٹا دی گئی

ایک صدی بعد کتاب لائبریری کو واپس لوٹا دی گئی

کولوراڈو(نیٹ نیوز)امریکا میں ایک لائبریری سے نکلوائی گئی کتاب 105 سال بعد واپس لوٹا دی گئی۔

امریکی ریاست کولوراڈو کی ایک لائبریری پوڈرے لائبریریز نے اپنی ویب سائٹ پر بتایا کہ سر والٹر اسکاٹ کی لکھی گئی کتاب آئیونہو کو 13 فروری 1919 کو فورٹ کولنز پبلک لائبریری اور فری ریڈنگ روم میں لوٹایا جانا تھا۔لائبریری کو یہ کتاب ایک خاتون نے لوٹائی جن کا کہنا تھا کہ یہ ان کے بھائی کو کینساس میں اپنی والدہ کے سامان میں ملی۔لائبریری سسٹم کا کہنا تھا کہ کتاب تاخیر سے واپس کرنے کے لیے 1919 میں لی جانے والی لیٹ فیس دو سینٹ فی دن کے حساب سے 760 ڈالر جرمانہ بنتا ہے لیکن لائبریری نے 2020 میں یہ جرمانہ ختم کردیا ہے۔ کتاب کے لائبریری کو واپس ملنے کی خبروائرل ہونے پر سوشل میڈیاصارفین اس پر دلچسپ تبصرے کررہے۔  اور ساتھ ہی کتاب واپس بھجوانے والی کی ایمانداری کوسراہ رہے ہیں۔

Advertisement
روزنامہ دنیا ایپ انسٹال کریں