فضول ہارن سے تنگ رکشہ ڈرائیور کا دلچسپ سوال
ممبئی(نیٹ نیوز)بھارت میں ایک رکشہ ڈرائیور نے اس شور شرابے سے نمٹنے کے لیے تخلیقی طریقہ اختیار کرلیا۔۔۔
انٹرنیٹ پر وائرل ایک تصویر میں دیکھا جا سکتا ہے کہ ایک رکشا ڈرائیور نے ٹریفک میں پھنسے ہونے کے دوران گاڑیوں کے بلا تعطل ہارن بجائے جانے سے نمٹنے کے لیے اپنے رکشے کی پشت پر مشہور ٹی وی شو کون بنے گا کروڑ پتی کے طر پر ایک سوال پرنٹ کر کے لگایا ہے۔ رکشے والے نے پرنٹ کیے گئے سوال میں لکھا ‘ٹریفک میں ہارن بجانے سے کیا ہوتا ہے؟’ اس طنزیہ سوال میں پروگرام کی طرز پر چار آپشن بھی دیئے گئے، چار آپشنز میں یہ جوابات شامل تھے: پہلا، لائٹ جلدی گرین ہوتی ہے۔ دوسرا، سڑک چوڑی ہوجاتی ہے۔ تیسرا، گاڑی اڑنے لگتی ہے اور چوتھا، کچھ نہیں،ایک ہفتے قبل کی گئی پوسٹ کو بڑی تعداد میں لائکس اور کمنٹس موصول ہوئے۔
روزنامہ دنیا ایپ انسٹال کریں
