دی سمپسنز کی ایوانکا ٹرمپ کے امریکی صدر بننے کی پیشگوئی
نیویارک(نیٹ نیوز)مستقبل کے حوالے سے پیشگوئیاں کرنے کے لیے مشہور اینی میٹڈ کارٹون سیریز ‘دی سمپسنز’ کی ایک نئی ویڈیو سوشل میڈیا پر وائرل ہو رہی ہے ۔
اس وائرل ویڈیو میں یہ پیشگوئی کی گئی ہے کہ ڈونلڈ ٹرمپ کے دوسرے دورِ اقتدار کے خاتمے کے بعد 2028ء میں ان کی بیٹی ایوانکا ٹرمپ امریکی تاریخ کی پہلی خاتون صدر منتخب ہو سکتی ہیں۔کارٹون سیریز ‘دی سمپسنز’ کے 28 ویں سیزن کے ایک سین میں ایک کردار ہومر سمپسن ایک پن پہنے ہوئے نظر آتا ہے جس پر‘Ivanka 2028’ لکھا ہے ۔یاد رہے کہ ایوانکا ٹرمپ اپنے شوہر جیرڈ کشنر کے ہمراہ اپنے والد ڈونلڈ ٹرمپ کے پہلے دورِ اقتدار کے دوران ڈونلڈ ٹرمپ کی سینئر مشیر کے طور پر خدمات انجام دے چُکی ہیں۔ سوشل میڈیا پراسے بہت پسند کیا جا رہا اور دلچسپ تبصرے کیے جا رہے ہیں۔
روزنامہ دنیا ایپ انسٹال کریں
