بھارت میں اپنی شادی پر لڈو کھیلنے والا دُلہا وائرل
ممبئی(نیٹ نیوز)بھارت میں ایک دُلہا اپنی مضحکہ خیز حرکت کیوجہ سے وائرل ہو گیا ہے جس میں وہ اپنی شادی میں اپنے فون پر لڈو کھیلتے ہوئے پایا گیا۔
۔ایک ایکس صارف کی جانب سے شیئر کی گئی وائرل تصویر میں دلہا کو دکھایا گیا ہے جو اپنے دو دوستوں سے گھرا ہوا ہے اور دلہن کے انتظار میں آن لائن لڈو کے زبردست میچ میں مصروف ہیں۔بیک گراؤنڈ میں ایک پنڈت اور شادی کا فوٹوگرافر بھی دیکھے جاسکتے ہیں۔ اس پوسٹ کو 465,000 سے زیادہ آراء مل چکی ہیں۔تصویر کے کیپشن میں لکھا تھا کہ بھائی دُلہے کی اپنی الگ ہی ترجیحات ہیں۔ پوسٹ کے وائرل ہوتے ہی ہر طرف سے مزاحیہ ردعمل آنا شروع ہوگئے ۔ایک صارف نے کہا دُلہے نے واضح طور پر اپنی زندگی کی ترجیحات کو ترتیب دیا ہے ۔ اس کے لئے لڈو سب سے بڑھ کر ہے ۔
روزنامہ دنیا ایپ انسٹال کریں
