10سالہ لڑکے نے ذہانت میں آئنسٹائن کو بھی پیچھے چھوڑ دیا
لندن(نیٹ نیوز)ہانسلو ویسٹ لندن سے تعلق رکھنے والے 10 سالہ بھارتی نژاد برطانوی کرش اروڑا نے 162 کا غیر معمولی آئی کیو سکور حاصل کرلیا ہے۔۔۔
جو تاریخ کے معروف طبیعیات دان البرٹ آئن اسٹائن اور اسٹیفن ہاکنگ کے تخمینہ شدہ آئی کیو سے زیادہ ہے۔ میٹرو کی ایک رپورٹ کے مطابق یہ شاندار کامیابی کرش اروڑا کو دنیا بھر کے ذہین ترین افراد کے 1 فیصد تناسب میں سب سے اوپر لے گئی ہے۔ کرش اروڑا کی غیر معمولی ذہانت نے انہیں مینسا میں جگہ دلوادی ہے جو کہ غیر معمولی ذہانت والے افراد کی سوسائٹی ہے ۔اپنی اس کامیابی کے بعد کرش اروڑا جلد ہی ملکہ الزبتھ کے سکول میں بھی جانے والے ہیں جو برطانیہ کے سب سے بہترین گرامر سکولوں میں سے ایک ہے۔
روزنامہ دنیا ایپ انسٹال کریں
