ایک لیٹر لیمو کا رس اور لائم جوس پینے کا ریکارڈ
میونخ(نیٹ نیوز)اپنے ہی پچھلے ریکارڈ توڑنے کے دلدادہ جرمن شخص نے ایک ہی دن میں کئی لیٹر لیمن اور لائم جوس (لیموں کا رس) پی کر اپنے دو سابقہ ٹائٹل دوبارہ حاصل کر لیے ۔
30 سالہ آندرے اورٹولف نے سابقہ ریکارڈ بہت تیزی کے ساتھ ایک لیٹر لیمن جوس بذریعہ اسٹرا اور یہی ریکارڈ لائم جوس پی کر قائم کیا تھا، لیکن اس کے یہ دونوں ریکارڈ اس سال ساتھی سیریل ریکارڈ بریکر ڈیوڈ رش نے اپنے نام کرلیے تھے ۔ آندرے اورٹولف کے لیمن جوس پینے کا ٹائم 16 سیکنڈ تھا جو کہ رش نے 13.53 سیکنڈ میں توڑا، رش نے لائم جوس پینے کا آندرے اور ٹولف کا 16.82 سیکنڈ کا ریکارڈ 13.99 سیکنڈ میں پی کر توڑا۔ ۔ انہوں نے 13.3 سیکنڈز میں لیمن جوس اور 13.51 سیکنڈز میں لائم جوس پی کر نیا ریکارڈ قائم کیا۔
روزنامہ دنیا ایپ انسٹال کریں
