اے سی میں رہنے کی عادت جسمانی مسائل کا سبب

اے سی میں رہنے کی عادت جسمانی مسائل کا سبب

لاہور(نیٹ نیوز)ایئر کنڈیشن میں رہنے کی عادت صحت پر مختلف مضمرات مرتب کرسکتی ہے ۔ اے سی کمرے کی فضا میں نمی کو کم کر سکتے ہیں جس سے ہوا خشک ہو جاتی ہے ۔

یہ نظام تنفس میں جلن، خشک گلے اور ناک سے خون بہنے کا سبب بن سکتا ہے ۔ اسی طرح دھول، گرد اور دیگر الرجین اے سی فلٹرز اور وینٹوں میں جمع ہو سکتے ہیں۔ جب ہوا گردش کرتی ہے ، تو یہ ذرات پھیپھڑوں میں جلن پیدا کر سکتے ہیں جس سے الرجی، دمہ یا سانس کے دیگر مسائل پیدا ہو سکتے ہیں۔اے سی سے آنے والی خشک ہوا جلد سے بھی نمی دور کرسکتی ہے ۔ خشک جگہ پر بیٹھنا، خاص طور پر اگر آپ لمبے عرصے تک ٹھنڈی ہوا سے ایکسپوز ہورہے ہوں، تو یہ پٹھوں کی اکڑن اور جوڑوں میں درد کا باعث بن سکتا ہے ۔ٹھنڈی ہوا یا درجہ حرارت میں اتار چڑھاؤ کچھ لوگوں میں سر درد یا درد شقیقہ کا سبب بن سکتا ہے ۔ 

 

روزنامہ دنیا ایپ انسٹال کریں