ماضی پرست لوگ دوستوں کے معاملے میں زیادہ خوش نصیب
میونخ (نیٹ نیوز)ماضی پرستی کو کچھ لوگ اچھا نہیں سمجھتے لیکن ایک نئی تحقیق سے پتہ چلتا ہے کہ جو لوگ اس کا شکار ہوتے ہیں۔۔
،سوشل میڈیا کے مطابق ان کے زیادہ قریبی دوست ہوتے ہیں اور اپنی صحت اور تندرستی کے معاملے میں بھی بہتر ہوتے ہیں۔جرنل آف کوگنیشن اینڈ ایموشن میں محققین کا کہنا ہے کہ جو لوگ پرانی یادوں میں رہتے ہیں ان کے قریبی دوست زیادہ ہوتے ہیں اور وہ دوستی اور تعلقات کو برقرار رکھنے کے لیے کم جذباتی لوگوں کی نسبت زیادہ کامیاب ہوتے ہیں۔سوشل میڈیا کے مطابق جو لوگ اکثر پرانی یادوں میں خوش ہوتے ہیں اور ان یادوں کی قدر کرتے ہیں، وہ اپنے اہم رشتوں سے زیادہ واقف ہوتے ہیں اور انہیں مزید پروان چڑھانے کی کوشش کرتے ہیں۔ اس کا مطلب یہ ہے کہ ایسے لوگوں کی دوستیاں زیادہ دیر تک قائم رہتی ہیں۔
روزنامہ دنیا ایپ انسٹال کریں
