بہن بھائیوں سے اچھے تعلقات عمر میں اضافہ کا باعث
لاہور(نیٹ نیوز)سائنس اور تحقیق کے مطابق بہن بھائیوں سے اچھے تعلقات زندگی کو لمبا کرنے میں بھی مددگار ثابت ہو سکتے ہیں۔۔
بھائی بہنوں سے بات چیت اور جذبات بانٹنے سے ذہنی سکون ملتا ہے ۔ ذہنی دباؤ میں کمی کا مطلب ہے دل کی صحت بہتر اور بلڈ پریشر کو کنٹرول رکھنا بھی ہے ۔ اسی طرح قوتِ مدافعت بھی مضبوط ہوتا ہے ۔ سوشل تعلقات مضبوط ہوں تو اکیلا پن کم ہوتا ہے جو بڑی عمر میں ایک بڑا خطرہ ہے ۔ تحقیق سے پتہ چلا ہے کہ جن افراد کے قریبی رشتے مضبوط ہوتے ہیں، ان کی زندگی کی اوسط مدت زیادہ ہوتی ہے ۔ جذبات کو دبانے کی بجائے جب انسان اظہار کرتا ہے تو ذہنی دباؤ کم ہوتا ہے ، جو دل اور دماغ کی صحت کے لیے فائدہ مند ہے ۔ بڑے ہونے پر بہن بھائی زندگی کا مستقل سہارا بنتے ہیں۔ بیماری، پریشانی یا بڑھاپے میں یہ رشتہ انسان کو جذباتی طاقت دیتا ہے جو کہ زندگی کو طویل کر سکتا ہے ۔
