سورج سے بچنے والی خاتون کروٹ لیتے فریکچر کا شکار
بیجنگ(نیٹ نیوز)چین میں پیش آنے والا ایک حیران کن واقعہ خبروں کی زینت بن گیا ہے جس میں ایک خاتون جو سورج کی روشنی سے خود کو ہر ممکن حد تک بچاتی تھیں، صرف کروٹ لینے پر فریکچر کا شکار ہوگئیں۔
چین کی شہری خاتون دھوپ سے مکمل طور پر اجتناب کرتی تھیں یعنی باہر نکلتے وقت مکمل لباس، چھتری، اور سن بلاک کا استعمال کرتی تھیں۔ایک دن بستر پر کروٹ لیتے ہی ان کی کمر کی ہڈی میں فریکچر ہو گیا۔ طبی معائنے سے معلوم ہوا کہ وہ شدید آسٹیوپو رو سس (ہڈیوں کی کمزوری) کا شکار تھیں۔ دراصل سورج کی روشنی انسانی جسم میں وٹامن Dبنانے کا سب سے بہترین قدرتی ذریعہ ہے ، جو کیلشیم کو جذب کرنے اور ہڈیوں کو مضبوط بنانے میں مدد دیتا ہے ۔سورج کی روشنی سے مکمل اجتناب سے وٹامن ڈی کی شدید کمی ،کیلشیم کی جذب میں رکاوٹ،ہڈیوں کی کثافت میں کمی،معمولی حرکات پر بھی فریکچر کا خطرہ ہوتا ہے ۔
