ریسٹورینٹ اب انسانی نہیں اے آئی شیف چلائیں گے
دبئی(نیٹ نیوز)دبئی میں جلد ایسے ریستوران کا آغاز ہونے والا ہے جس کا نظام کوئی ماہر انسانی شیف نہیں بلکہ اے آئی شیف سنبھالے گا۔ ستمبر میں ‘ووہو’ نامی ریستوران دنیا کی سب سے بلند عمارت برج خلیفہ میں کھولا جائے گا۔
ریستوران میں ابتداً کھانے کی ذمہ داری انسان ہی سنبھالیں گے تاہم دیگر انتظامات مصنوعی ذہانت سے تخلیق کردہ شیف ‘ایمن’ دیکھیں گے ۔ووہو کے بانیوں میں سے ایک کا کہنا ہے ایمن نامی اے آئی ماڈل فوڈ سائنس کی دہائیوں کی تحقیق، مالیکیولر کمپوزیشن ڈیٹا اور دنیا بھر میں کھانا پکانے کی 1 ہزار سے زیادہ ترکیبوں پر تربیت یافتہ ہے ۔ان کا کہنا ہے کہ یہ اے آئی ماڈل گوکہ عام شیف کی طرح پکوانوں کا ذائقہ نہ چک سکتا ہے اور نہ ہی سونگھ سکتا ہے لیکن یہ ماڈل کھانوں کو اس کے اجزاء، ساخت اور تیزابیت کو توڑ کر انہیں غیر معمولی ذائقے اور اجزاء کے امتزاج میں ڈھال سکتا ہے ۔
