ہمارے شمسی نظام سے بھی 3ارب سال پرانا شہابی پتھر
آکسفورڈ (نیٹ نیوز)ماہرین نے خبردی کہ رواں ماہ کے اوائل میں ہمارے شمسی نظام میں داخل ہونے والا نیا۔۔
شہاب ثاقب ہمارے شمسی نظام سے بھی 3 ارب سال پرانا ہوسکتا ہے ۔ماہرینِ فلکیات کے مطابق ممکنہ طور پر یہ پتھر ہمارے شمسی نظام سے تقریباً 3 ارب سال قدیم ہے یعنی اس کی عمر تقریباً 7 ارب سال ہو سکتی ہے ، جب کہ شمسی نظام کی عمر 4.5 ارب سال ہے ۔یہ صرف تیسرا انٹر اسٹیلر آبجیکٹ ہے جو ہمارے شمسی نظام میں داخل ہوتا دیکھا گیا، اس سے پہلے 2017 میں پہلا اور دوسرا 2019 میں داخل ہوا تھا۔ یونیورسٹی آف آکسفورڈ کے محققین کے مطابق 3I ATLAS نامی پتھر ہماری کہکشاں کے "thick disk" نامی خطے سے داخل ہوا ہے یعنی وہ حصہ جہاں ستارے نسبتاً پرانے ہیں اور اس بات کا امکان ہے کہ یہ 7 ارب سال پرانا ہو سکتا ہے ۔ سائنسدانوں نے یہ اندازہ کامک-رے ایکسپوژر کی بنیاد پر لگایا ہے ۔
