چیئرمین ایئر سیال عبدالغفور ملک کی ڈپٹی کمشنر سیالکوٹ سے ملاقات
سیالکوٹ (نمائندہ دنیا )سیالکوٹ انٹرنیشنل ائیر پورٹ کے چیئرمین عبدالغفور ملک نے ڈپٹی کمشنر سیالکوٹ اویس مشتاق سے ملاقات کی۔
اس ملاقات کے دوران اسسٹنٹ کمشنر سمبڑیال عدنان بشیر، وائس چیئرمین سیال سید شاہد رضا، سابق چیئرمین سیال حسن علی بھٹی اور چیف ایگزیکٹو آفیسر سیال بھی موجود تھے ۔ بات چیت کا محور ہوائی اڈے کے امورِ کار اور ضلعی انتظامیہ کے ساتھ قریبی رابطہ و تعاون تھا۔ چیئرمین سیال نے ضلعی انتظامیہ کی جانب سے مسلسل تعاون اور اشتراکِ عمل کو سراہا اور ہوائی اڈے کے ہموار اور موثر آپریشنز کیلئے باہمی رابطے اور تعاون کو مزید مستحکم کرنے کے حوالے سے سیال کے عزم کا اعادہ کیا۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments