ورکرز ویلفیئر سکول مسائل کا گڑھ، طلبہ ، والدین پریشان
ملتان (خصوصی رپورٹر) ورکرز ویلفیئر سکول مسائل کا گڑھ بن گیا ، سکول کے باہر بسوں کی بے ترتیبی کیوجہ سے ٹریفک بلاک رہنا معمول ،اہل علاقہ نے سی ٹی او سے نوٹس لینے کا مطالبہ کردیا۔
جبکہ غریب مزدوروں کے بچوں سے پارٹی فنڈ کے نام پر الگ سے پیسے وصول کئے جانے لگے ، جبکہ سکول ڈیکوریشن کے لئے بھی پیسے وصول کئے جانے لگے ، سٹیشنری اور یونیفارم کے چیک تاحال جاری نہ ہوسکے ۔ تفصیلات کے مطابق شہریوں، مزدوروں اور اہل علاقہ فیض بخش ، نوید احمد ، مظہر حسین ، مختار اعوان ، محمد شکیل ، خضر عباس ، شہناز اختر ، محمد سلیم اور محمد سجاد نے لیبر ڈیپارٹمنٹ ضلعی انتظامیہ سے مطالبہ کیا ہے کہ ورکرز ویلفیئر کے چاروں جانب بسوں کو بے ترتیبی سے ڈرائیوکھڑا کردیتے ہیں ۔ جس سے آئے روز حادثات ہوتے رہتے راہ گیر اذیت میں رہتے اور ٹائر پھٹنے سے بھی ایک حادثہ ہوچکا ۔ یہاں تک جونیئر اور سینئر سیکشن کے بچوں کا بھی ایکسیڈنٹ ہوچکا ہے دوسری جانب سکول ڈیکوریشن کے لئے چارٹس اور دیگر سامان منگوانے کی فرمائش کا سلسلہ شروع ہوچکا ہے جبکہ صورتحال یہ ہے کہ والدین کو سٹیشنری یونیفارم کے چیک بھی نہیں ملے لوگوں نے سردیوں کی آمد ہے مزدور طبقے نے بچوں کے لئے پچھلے آدھے بقایا جات اور اب کے چیک دیئے جانے کا مطالبہ بھی کیا ہے ۔
