وزیر اعظم نے مزید کہا کہ جولائی 2018ء میں عام انتخابات ہوں گے، فیصلہ عوام نے کرنا ہے۔ ان کا کہنا تھا کہ ہم نے ہمیشہ شرافت کی سیاست کی اور پاکستان کی بات کی، 3 سال تک فاٹا اصلاحات پر بھرپور کام کیا، فاٹا کے عوام کا دیرینہ مطالبہ مسلم لیگ نون پورا کرے گی۔
یہ بھی پڑھیں: دہشتگردی کیخلاف جنگ میں معصوموں کا خون رنگ لایا ہے: وزیراعظم
وزیر اعظم نے پہلے عوام سے پوچھا کہ کیا وہ فاٹا کا کے پی میں انضمام چاہتے ہیں؟ پھر بولے ہم فاٹا کے خیبر پختونخوا میں انضمام کا معاملہ طے کریں گے۔ وزیر اعظم نے کہا کہ ہم نے ہمیشہ شرافت کی سیاست کی، گالم گلوچ کی سیاست کبھی کامیاب نہیں ہو گی۔