صنم ماروی شوکت خانم ہسپتال کی فنڈریزنگ میں حصہ لیں گی
گلوکارہ اگلے ماہ مختلف امریکی ریاستوں میں اپنے سربکھیرکرشائقین کومحظوظ کرینگی
لاہور(کلچرل رپورٹر)معروف صوفی گلوکارہ صنم ماروی امریکہ میں شوکت خانم میموریل ہسپتال کی فنڈریزنگ میں حصہ لیں گی انہیں کینسرہسپتال انتظامیہ کی طرف سے دعوت دی گئی ہے ۔وہ اگلے ماہ امریکہ کی مختلف ریاستوں میں اپنے سر بکھیر کر شائقین کومحظوظ کریں گی۔بتایاگیاہے کہ صنم ماروی امریکہ میں ہونے والے 17شوزمیں اپنی آوازکاجادوجگائیں گی جس میں پاکستانی اوربھارتی گلوکاربھی اپنی پرفارمنس پیش کریں گے ۔گلوکارہ کا کہنا تھا مجھے دکھی انسانیت کی خدمت کرکے خوشی ہوتی ہے ۔کینسرکے مریضوں کے لئے فنڈریزنگ میں حصہ لینامیرے لئے اعزازکی بات ہے ۔صنم مارو ی نے بتایا میں نے اپنے نئے گیتوں پرکام شروع کردیاہے جن کی ریکارڈنگ محرم الحرام کے بعدکروں گی فی الحال نغمات کی دھنیں تیارکی جارہی ہیں۔
روزنامہ دنیا ایپ انسٹال کریں
