ہراسگی سے بچنے کیلئے کیریئر کے آغاز میں شادی کی:نکول
ان دنوں اگرچہ ’’می ٹو‘‘ مہم کے تحت اداکارائیں اپنے ساتھ ہونیوالے واقعات کو منظر عام پر لارہی ہیں تاہم ہالی ووڈ کی معروف اداکارہ نکول کڈمین نے....
لاہور(نیٹ نیوز) می ٹومہم کے ذریعے اپنی منفرد کہانی بتا کر سب کو حیران کردیا۔ رپورٹ کے مطابق 51 سالہ آسٹریلوی نژاد ہالی ووڈ اداکارہ نکول کڈمین نے اعتراف کیا کہ کیریئر کے آغاز میں انہوں نے اس لئے شادی کی کیونکہ وہ جنسی طور پر ہراساں نہیں ہونا چاہتی تھیں۔نکول کڈمین نے واضح کیا کہ کم عمری اور کیریئر کے آغاز میں ہی ٹام کروز سے شادی کرنے کی وجہ سے ہی وہ دیگر مردوں کی جانب سے جنسی طور پر ہراساں کئے جانے سے محفوظ رہیں۔اداکارہ کے مطابق انہوں نے محبت اور اپنے تحفظ کی خاطر کم عمری میں شادی کی اور بعد میں جب ان کی شادی کو کافی عرصہ گزرا تو انہیں احساس ہوا کہ شادی خاتون کے تحفظ کی ضامن ہے ۔
روزنامہ دنیا ایپ انسٹال کریں
