جنگ دہشتگردی کیخلاف ہونی چاہیے کسی ملک کے نہیں:جان ابراہم
بالی ووڈ کے معروف اداکار جان ابراہم نے کہا ہے کہ جنگ دہشت گردی کے خلاف ہونی چاہیے
ممبئی(نیٹ نیوز)بالی ووڈ کے معروف اداکار جان ابراہم نے کہا ہے کہ جنگ دہشت گردی کے خلاف ہونی چاہیے لیکن کسی ملک کے خلاف نہیں۔ بھارتی میڈیا کے مطابق جان ابراہم نے کہا کہ ‘میرے خیال میں جنگ کسی مخصوص ملک اور مذہب کے خلاف نہیں ہونی چاہیے بلکہ دہشت گردی کے خلاف لڑنا چاہیے اس معاملے میں میرا موقف واضح ہے کیوں کہ میں اُن اداکاروں کی طرح نہیں ہوں جو کہتے ہیں کہ پتا نہیں یہ بیان عوام کو اچھا لگے گا یا بُرا۔جان ابراہم نے یہ بھی کہا کہ ہمیں اس معاملے کو یہی ختم کرنے کی ضرورت ہے ہمیں روایتی لوگوں میں ڈھل کر دوسرے ملک سے لڑائی مول نہیں لینی چاہیے۔ اس کا یک طرفہ نقصان نہیں ہوتا بلکہ دونوں فریق اس سے متاثر ہوتے ہیں اسی لئے میں بھی جنگ کرنا نہیں چاہوں گا ۔
روزنامہ دنیا ایپ انسٹال کریں
