ماہرہ خان اور بلال اشرف فلم ‘‘سپر سٹار’’ میں ایک ساتھ
پاکستان ڈرامہ و فلم انڈسٹری کی نامور اداکارہ ماہرہ خان نئی فلم ‘‘سپر سٹار’’ میں اداکار بلال اشرف کے ساتھ نظر آئیں گی۔
اسلام آباد (اے پی پی)پاکستان ڈرامہ و فلم انڈسٹری کی نامور اداکارہ ماہرہ خان نئی فلم ‘‘سپر سٹار’’ میں اداکار بلال اشرف کے ساتھ نظر آئیں گی۔ ذرائع ابلاغ کے مطابق مومنہ درید کی پروڈکشن اور محمد احتشام الدین کی ہدایت کاری میں بننے والی فلم ‘‘سپر سٹار’’ میں ماہرہ خان اور بلال اشرف اہم کردار ادا کریں گے جس کی عکسبندی شروع کر دی گئی ہے ۔ ماہرہ خان نے سماجی رابطے کی ویب سائٹ ٹوئٹر پر ایک تصویر شیئر کی جس میں وہ ایک منفرد انداز میں بلال اشرف کے ساتھ موجود ہیں۔ ماہرہ نے اپنے ٹوئٹ میں یہ بھی بتایا کہ وہ فلم ‘‘سپر سٹار’’ میں نوری اور بلال اشرف ‘‘سمیر’’ کا کردار ادا کررہے ہیں۔
روزنامہ دنیا ایپ انسٹال کریں
