ہمایوں سعید کا آئندہ سال دو فلمیں ریلیز کرنے کا اعلان
فلم’’لندن نہیں جاؤں گی‘‘اور’’لوگرو،ہوجا شروع‘‘کے ہدایتکار ندیم بیگ ہونگے
اسلام آباد (اے پی پی)اداکار ہمایوں سعید نے آئندہ سال دوفلمیں ریلیز کرنے کا اعلان کردیا۔ انہوں نے کہا کہ وہ آئندہ سال فلم’’لندن نہیں جاؤں گی‘‘اور’’لوگرو،ہوجا شروع‘‘ ریلیز کریں گے ۔ انہوں نے بتایا کہ فلم’’لندن نہیں جاؤں گی‘‘کو خلیل الرحمن اور ’’لوگرو، ہوجا شروع‘‘ کو واسع چوہدری نے لکھا ہے تاہم ابھی تک یہ فیصلہ نہیں کیا گیا کہ ان میں سے پہلے کون سی فلم پہلے ریلیز کی جائے گی لیکن پہلی فلم عیدالاضحی کے موقع پر اور دوسری فلم دسمبر 2020 میں ریلیز کی جائے گی۔ دونوں فلموں کے ہدایتکار ندیم بیگ ہوں گے ۔
روزنامہ دنیا ایپ انسٹال کریں
