فاروق ستار کو ٹکٹ کی کوئی پیشکش نہیں کی ، فیصل واوڈا
تحریک انصاف کے رہنما فیصل واوڈا نے پی ٹی آئی کی جانب سے ڈاکٹر فاروق ستار سے رابطے کی تردید کردی اور کہاکہ فاروق ستار کو این اے 247 سے ٹکٹ دینے کی کوئی پیشکش نہیں کی گئی۔
کراچی (مانیٹرنگ ڈیسک )ایک انٹرویو میں فیصل واوڈا نے بتایاکہ ڈاکٹر فاروق ستار دن میں خواب دیکھ رہے ہیں۔ انھوں نے طنزیہ کہاکہ کہیں ایم کیوایم رہنما یہ نہ کہہ دیں کہ انہیں پی ٹی آئی نے عمران خان کی جگہ چیئرمین بننے کی پیشکش بھی کی ہے ۔انہوں نے کہا کہ پی ٹی آئی کوئی دیہات، شہر یا گلی کی پارٹی نہیں، ہم اپنے ووٹرز کوکیا منہ دکھائیں گے ، پی ٹی آئی ملک کی سب سے بڑی جماعت ہے ۔ان کا کہنا ہے کہ فاروق ستار کا احترام اپنی جگہ مگر اس قسم کی بات میں نہ کوئی صداقت ہے اور نہ کوئی ایسی بات ہوئی ہے ، اگر انہیں کوئی پیشکش ہوئی ہے تو پیشکش کرنے والے کا نام لینا چاہئے۔
روزنامہ دنیا ایپ انسٹال کریں
