پاکستان نے فری لانسنگ میں چین اور بھارت کو پیچھے چھوڑ دیا
عالمی ڈیجیٹل کمپنی پے یونیر نے گزشتہ سال کے مقابلے میں فری لانسنگ میں اضافہ کرنیوالے دس سرفہرست ممالک کی رینکنگ جاری کر دی
لاہور(ایجوکیشن رپورٹر سے )عالمی ڈیجیٹل کمپنی پے یونیر نے گزشتہ سال کے مقابلے میں فری لانسنگ میں اضافہ کرنیوالے دس سرفہرست ممالک کی رینکنگ جاری کر دی ، جس کے مطابق پاکستان نے فری لانسنگ میں بھارت اور چین کو بھی پیچھے چھوڑ دیا ہے ۔ فہرست میں امریکہ پہلے ، برطانیہ دوسرے ، برازیل تیسرے ، پاکستان چوتھے ، یوکرائن پانچویں ، فلپائن چھٹے ، بھارت ساتویں، بنگلہ دیش آٹھویں، روس نویں اورسربیا دسویں نمبر پرہے ۔رپورٹ کے مطابق پاکستان میں گزشتہ برس کے مقابلے میں فری لانسنگ میں 47فیصد اضافہ دیکھنے میں آیا اور پاکستان میں سرکاری شعبہ فری لانسنگ کے فروغ میں کلیدی کردار ادا کر رہا ہے ۔پنجاب کے ای روزگار فری لانسنگ پروگرام سمیت دیگر سرکاری فری لانسنگ پروگرام زرمبادلہ میں اضافے اور بیروزگاری میں کمی کا باعث بن رہے ہیں جبکہ ای روزگار سے فارغ التحصیل 12ہزارنوجوان انٹرنیٹ سے کام کر کے 14کروڑ روپے کما چکے ہیں۔ فری لانسنگ
