عسکری و سفارتی حکمت عملی سے پاکستان کا وقار بڑھا:سی این این
پہلگام فالس فلیگ کی آڑ میں پاکستان کو عالمی سطح پر تنہا کرنیکی بھارتی کوشش ناکام ٹرمپ نے امریکا، بھارت کے مابین پالیسی کا رخ اچانک بدل دیا،رپورٹ
اسلام آباد(اے پی پی)عالمی نشریاتی ادار ہ سی این این نے اعتراف کیاہے کہ پاکستان کی عسکری و سفارتی حکمت عملی نے عالمی سطح پر ملک کا وقار بلند کر دیا،پاکستان کی مثبت حکومتی اور عسکری سفارتکاری نے خطہ میں پاکستان کی اہمیت مزید بڑھا دی، پہلگام فالس فلیگ کی آڑ میں بھارت کی پاکستان کو عالمی سطح پر تنہا کرنے کی کوشش ناکام رہی ہے ۔ عالمی نشریاتی ادارہ سی این این نے بھی پاک امریکا قریبی اور سٹراٹیجک تعلقات کا اعتراف کر لیا۔
سی این این پر جاری تجزیاتی رپورٹ میں تجزیہ کار فرید زکریا نے کہا ہے کہ امریکی صدر ٹرمپ نے امریکا اور بھارت کے مابین پالیسی کا رخ اچانک بدل دیا۔پہلے دور حکومت میں بھارتی وزیراعظم کے قریب سمجھے جانے والے ٹرمپ اب فیلڈ مارشل سید عاصم منیر کے گرویدہ ہیں، مصر کانفرنس میں ٹرمپ نے فیلڈ مارشل عاصم منیر کو اپنا \"پسندیدہ فیلڈ مارشل\" قرار دیا۔ امریکا نے یہ محسوس کیا ہے کہ پاکستان ایک موثر عسکری شراکت دار ہے ۔ اسی عسکری صلاحیت نے سعودی عرب کو بھی متاثر کیا جس نے حال ہی میں پاکستان کے ساتھ دفاعی معاہدہ کیا۔
