اندازہ ہے عمران خان مذاکرات نہیں چاہتے :رانا ثنا
لاہور (دنیا نیوز )وزیر اعظم کے مشیر برائے سیاسی امور سینیٹر رانا ثنا اللہ کا کہنا ہے وزیراعظم شہباز شریف نے اپنے لیڈر نواز شریف اور اسٹیبلشمنٹ کو اعتماد میں لیکر پی ٹی آئی کو مذاکرات کی آفر کی لیکن ہمیں اندازہ ہے کہ عمران خان مذاکرات نہیں چاہتے ۔
اسلام آباد ہائیکورٹ بینچ نے بانی پی ٹی آئی سے ملاقات کا طریقہ کار طے کیاکہ ملاقات کے بعد سیاسی سرگرمیاں نہیں ہوں گی مگر ملاقات کے بعد ہلہ گلہ کا ماحول ہوتا ہے ۔میڈیا سے گفتگو میں انہوں نے کہا سلمان اکرم راجہ نے عدالت کو طریقہ کار پر عمل درآمد کی یقین دہانی کرائی، ملاقات میں طریقہ کار کی پاسداری، قانون پر عمل کریں تو ملاقات میں کوئی رکاوٹ نہیں۔ایک سوال کے جواب میں رانا ثنا اللہ نے کہا اپوزیشن لیڈر کی تعیناتی پر حکومت کی نیت پر کسی قسم کا شک نہیں ہونا چاہیے ۔
روزنامہ دنیا ایپ انسٹال کریں
