بابراعظم سابق پاکستانی کھلاڑیوں کے ریکارڈز توڑ سکتے ہیں،وقار یونس
قومی کرکٹ ٹیم کے بالنگ کوچ وقار یونس کا کہنا ہے کہ بابر اعظم پاکستان کے سابق کھلاڑیوں کے ریکارڈز توڑ سکتے ہیں
لاہور(اسپورٹس ڈیسک)قومی کرکٹ ٹیم کے بالنگ کوچ وقار یونس کا کہنا ہے کہ بابر اعظم پاکستان کے سابق کھلاڑیوں کے ریکارڈز توڑ سکتے ہیں جن میں اس کارنامے کو انجام دینے کے تمام تر اوصاف موجود ہیں۔وقار یونس کا خیال ہے کہ فی الوقت بابر اعظم ہی ایک ایسے بیٹسمین ہیں جو جاوید میانداد،انضمام الحق،محمد یوسف اور یونس خان کے ریکارڈز کو توڑ سکتے ہیں جن میں بڑے کارناموں کو چیلنج کرنے کی اہلیت موجود ہے ۔ان کا کہنا تھا کہ بابر اعظم کی سب سے بڑی خوبی یہ ہے کہ وہ مختلف مراحل کی کرکٹ میں کامیابی کے بعد اس مقام پر پہنچے ہیں کیونکہ انہوں نے انڈر ایج کرکٹ کے بعد پاکستان کی اے ٹیم کیلئے بھی بہترین کھیل پیش کیا اور اب اعتماد کے حصول کے بعد وہ ہر آنے والے دن مزید بہتر ہوتے جا رہے ہیں۔
