کشمش دانتوں اور مسوڑھوں کے امراض سے بچاؤ میں معاون
جرمنی کے طبی ماہرین نے کہا ہے کہ کشمش میں پائے جانیوالے طبی خواص دانتوں اور مسوڑھوں کے امراض سے بچاؤ میں معاون اور مدد گار ثابت ہوسکتے ہیں۔
لاہور(نیٹ نیوز) ماہرین صحت کا کہنا ہے کہ کشمش میں شوگر کی وافر مقدار پائی جاتی ہے اس کے علاوہ اس میں اولی نولیک ہائیڈ اور اولی نینولک ایسڈ دو ایسے مادے پائے جاتے ہیں جو انسانی صحت بالخصوص دانتوں کیلئے بیحد مفید ہیں۔مذکورہ دونوں مرکبات منہ کے اندر اور مسوڑھوں کے امراض کا سبب بننے والے بیکٹیریا کو نمو پانے سے روکتے ہیں۔جرمن اخبار میں شائع تحقیق میں ماہرین نے مشورہ دیا کہ اگر شوگر میں زیادتی کا خدشہ نہ ہو تو کشمش کو روزانہ کی خوراک کا حصہ بنانا دانتوں اورمنہ کی بیماریوں سے بچاؤ کیلئے مفید ہے ۔ ماہرین کا کہنا ہے کہ روزانہ کشمش کھانے سے دانتوں کو روز مرہ کی بنیاد پر صاف کرنے کی ضرورت نہیں۔
روزنامہ دنیا ایپ انسٹال کریں
