سوہنی دھرتی ترسیلاتِ زر پروگرام میں ڈائمنڈ کیٹیگری متعارف
کراچی (آن لائن )سوہنی دھرتی ترسیلات زر پروگرام میں ایک نئی ’’ڈائمنڈ‘‘ کیٹیگری کا اضافہ کیا گیا ہے ۔۔
جس کا اطلاق 22 ستمبر 2023 سے ہوگا۔ نئی کیٹیگری موجودہ3کیٹیگریز یعنی ’’گرین‘‘،گولڈ اور پلاٹینم‘‘ کے علاوہ ہے ۔واضح رہے کہ مالی سال 24کی بجٹ تقریر میں اس وقت کے وزیر خزانہ اسحاق ڈار نے ڈائمنڈ کیٹیگری شروع کرنے کا اعلان کیا تھا جس میں اضافی انعامی پوائنٹس، غیر ممنوعہ بور کا اسلحہ لائسنس، پاکستانی سفارت خانوں/ہوائی اڈوں پر ترجیحی سلوک اور ڈائمنڈ کیٹیگری ہولڈرز کیلئے مفت پاسپورٹ جیسے فوائد شامل ہیں۔سوہنی دھرتی پروگرام پوائنٹس پر مبنی ایک پروگرام ہے جس میں ترسیلات زر بھیجنے والے باضابطہ چینلز (اسٹیٹ بینک کے دائرہ کار میں آنے والے ادارے )کے ذریعے ترسیلات زر بھیج کر انعامی پوائنٹس حاصل کرتے ہیں۔
روزنامہ دنیا ایپ انسٹال کریں
