یوٹیلیٹی اسٹورز پر سبسڈی والا گھی 58 روپے فی کلو مہنگا
کراچی (آن لائن)یوٹیلیٹی اسٹورز پر گھی کی قیمت میں بڑا اضافہ ہو اہے ۔یوٹیلیٹی اسٹورز پر سبسڈی والا گھی 58 روپے فی کلو مہنگا کردیا گیا۔
گھی کی قیمت میں اضافے کا اطلاق فوری طور پر کیا جائے گا۔تفصیلات کے مطابق مہنگائی سے پریشان عوام کے لئے یوٹیلیٹی اسٹورز سے اشیا کی خریداری بھی مشکل ہوگئی۔ایک طرف مہنگائی میں روز افزوں اضافے نے عوام پر زندگی اجیرن کر رکھی ہے تو دوسری طرف حکومتی اقدامات نئی سے نئی مشکل کھڑی کرکے عام آدمی کے لیے جینا دوبھر کررہے ہیں۔یوٹیلیٹی اسٹورز پر بی آئی ایس پی صارفین کیلئے گھی کی نئی فی کلو قیمت 393 روپے مقرر کردی گئی ہے ۔ذرائع کا کہنا ہے کہ رمضان پیکج کے تحت یوٹیلیٹی اسٹورزپر فی کلو قیمت 335روپے تھی اور فی کلو پر70روپے کی سبسڈی تھی مگر رمضان کے ختم ہونے کے بعد سبسڈی ختم کرنے سے گھی کی قیمت400روپے فی کلو کے قریب پہنچ گئی۔
روزنامہ دنیا ایپ انسٹال کریں
