اسٹینڈرڈ چارٹرڈ بینک کے زیر اہتمام عالمی شریعہ مجلس کا انعقاد
کراچی(بزنس ڈیسک)اسٹینڈرڈ چارٹرڈ بینک پاکستان کے زیر اہتمام عالمی شریعہ مجلس منعقد ہوئی۔ اسلامی مالیاتی صنعت میں ایسی مجلس کے انعقاد کی ضرورت شدت سے محسوس کی جارہی تھی۔
ہائبرڈ ایونٹ کے طور پر منعقد ہونے والی اِس پُروقار مجلس میں عالمی سطح کے شریعہ اسکالرز نے شرکت کی اور اسلامی مالیات: ایک بہتر مستقبل کیلئے تبدیلی کے موضوع پر دلچسپ گفتگو کی۔عالمی شریعہ مجلس ایسے مناسب وقت پر منعقد ہوئی ہے جب چند روز قبل پاکستان کی پارلیمان نے ایک تاریخی آئینی ترمیمی بل منظور کیا ہے جس میں یکم جنوری،2028ئسے قبل روایتی سے اسلامی بینکاری کی طرف مکمل منتقلی قرار پائی ہے ۔ اس اقدام کا مقصد ملک میں اسلامی بینکاری کے قانونی فریم ورک کو مضبوط بنانا ہے ۔اس موقع پر، اسٹینڈرڈ چارٹرڈ پاکستان کے چیف ایگزیکٹو آفیسرریحان شیخ نے کہا کہ سالانہ عالمی شریعہ مجلس میں ممتاز اسکالرز، مفکرین اور صنعت کے ماہرین کی میزبانی کرنا اور اُن سے بات چیت کرنا ہمارے لیے اعزاز کی بات ہے ۔ آج کی مجلس پاکستان کیلئے ایک اہم موقع پر ہوئی ہے جب ہم اسٹیٹ بینک کے سنہ 2027ء تک مکمل اسلامی مالیاتی نظام کی طرف منتقلی کے وژن کے قریب پہنچ رہے ہیں۔ اس طرح کے معاملات پاکستان کیلئے بہت اہم ہیں کیونکہ یہ نہ صرف اسلامی بینکاری کی اہمیت کو اجاگر کرتے ہیں بلکہ ملک کو عالمی مالیاتی تبدیلی میں سب سے آگے رکھتے ہیں۔ صحیح فریم ورک اور مشترکہ کوششوں کے ساتھ، اسلامی فنانس مالیاتی شمولیت، معاشی لچک، پائیداری اور معاشرتی مساوات کو کم سے کم کر سکتا ہے ۔عالمی شریعہ مجلس سنہ2024ء کے اسلامی مالیاتی کیلنڈر میں ایک اہم تقریب تھی، جس نے اسلامی مالیات اور پائیداری کے اہم انٹرسیکشن پر مکالمے اور تعاون کیلئے ایک منفرد پلیٹ فارم کا کام کیا۔
