ڈالرکی قدر میں اضافہ ،تولہ سونا500روپے مہنگا
کراچی(بزنس رپورٹر)زرمبادلہ کی دونوں مارکیٹوں میں بدھ کو روپے کی نسبت ڈالر تگڑا رہا،ادھرعالمی و مقامی مارکیٹوں میں مسلسل روز مستحکم رہنے کے بعد بدھ کو سونے کی قیمتوں اضافہ ریکارڈ کیا گیا ۔
اسٹیٹ بینک کے مطابق انٹربینک میں ڈالر 2 پیسے کے اضافے سے 279.97روپے پر جاپہنچا۔ فاریکس رپورٹ کے مطابق اوپن مارکیٹ میں ڈالر 9 پیسے مہنگاہو کر281.59روپے کا ہوگیا۔دوسری جانب عالمی بلین مارکیٹ میں سونا 5 ڈالر کے اضافے سے 2915 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 500 روپے کے اضافے سے 3 لاکھ 6 ہزار 500 روپے پر جاپہنچا ،اسی طرح دس گرام سونے کی قیمت 429 روپے کے اضافے سے 2 لاکھ 62 ہزار 774 روپے ہوگئی۔یاد رہے کہ منگل کو سونے کی فی تولہ قیمت 3 لاکھ 6 ہزار روپے پر مستحکم رہی تھی۔دریں اثنا چاندی کی فی تولہ قیمت 52 روپے کے اضافے سے 3440 روپے ہوگئی۔
