سونے کی قیمتیں پھر نئی بلند ترین سطح پر،ڈالرسستا
کراچی(بزنس رپورٹر)سونے کی قیمتوں میں اضافے کا سلسلہ تھم نہ سکا جس کے نتیجے میں عالمی و مقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔
ادھرانٹربینک مارکیٹ میں ڈالر کے نرخ گر گئے ۔تفصیلات کے مطابق عالمی بلین مارکیٹ میں سونا 13 ڈالر کے اضافے سے 2997 ڈالر فی اونس کا ہوگیا۔ بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 1100 روپے کے بڑے اضافے سے 3 لاکھ 14 ہزار 800 روپے پر جاپہنچا۔اسی طرح دس گرام سونے کی قیمت 943 روپے کے نمایاں اضافے سے 2لاکھ 69 ہزار 890 روپے ہوگئی۔دریں اثنا چاندی فی تولہ قیمت 3 ہزار 530 روپے پر مستحکم رہی۔ اسٹیٹ بینک کے مطابق انٹربینک میں ڈالر 05 پیسے کی کمی سے 280.16روپے پر آگیا۔فاریکس رپورٹ کے مطابق اوپن مارکیٹ میں ڈالر3پیسے کے اضافے سے 281.92روپے پر جاپہنچا۔
روزنامہ دنیا ایپ انسٹال کریں
