ڈالر کی قدر میں اضافہ ،تولہ سونا2ہزار روپے سستا
کراچی(بزنس رپورٹر)انٹربینک میں جمعہ کو روپے ک مقابلے میں ڈالر کی قدر میں اضافہ ریکارڈ کیا گیا۔۔
،ادھرعالمی و مقامی مارکیٹوں میں سونے کی قیمتوں میں کئی روز سے جاری اضافے کا سلسلہ رک گیا۔اسٹیٹ بینک آف پاکستان کے مطابق انٹربینک میں روپے کے مقابلے میں ڈالر3پیسے کے اضافے سے 280.26 روپے پر جاپہنچا۔دوسری جانب عالمی بلین مارکیٹ میں سونا 19 ڈالر کی کمی سے 3031 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پربھی فی تولہ سونا دو ہزار روپے کی کمی سے 3 لاکھ 18 ہزار 800 روپے کا ہوگیا۔اسی طرح دس گرام سونے کی قیمت ایک ہزار 712 روپے کی کمی سے 2 لاکھ 73 ہزار 319 روپے ہوگئی۔یاد رہے کہ جمعرات کو فی تولہ سونا ایک ہزار 800 روپے کے نمایاں اضافے سے ملکی تاریخ میں پہلی بار 3 لاکھ 20 ہزار 800 روپے کی بلند ترین سطح پر جاپہنچا تھا۔دریں اثنا چاندی کی فی تولہ قیمت 49 روپے کی کمی سے 3475 روپے ہوگئی۔
