ڈالر کی قدرمیں اضافے کا رجحان ،سونا 300 روپے سستا
کراچی (بزنس ڈیسک)انٹربینک میں ڈالر کی قدر میں اضافے کا سلسلہ جاری ہے ،ادھر عالمی و مقامی مارکیٹوں میں تاریخی سطح پر پہنچنے کے بعد جمعہ کو سونے کی قیمتوں میں معمولی کمی ریکارڈ کی گئی۔۔
اسٹیٹ بینک کے مطابق انٹربینک میں ڈالر 10 پیسے کے اضافے سے 280.72روپے پر جاپہنچا۔دوسری جانب عالمی بلین مارکیٹ میں سونا 3 ڈالر کی کمی سے 3326 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 300 روپے کی کمی سے 3 لاکھ 49 ہزار 700 روپے کا ہوگیا۔اسی طرح دس گرام سونے کی قیمت 257 روپے کی کمی سے 2لاکھ 99 ہزار 811 روپے ہوگئی۔یاد رہے کہ جمعرات کو فی تولہ سونا 2 ہزار روپے کے بڑے اضافے سے تاریخ میں پہلی بار 3 لاکھ 50 ہزار روپے پر جاپہنچا تھا۔دریں اثنا چاندی کی فی تولہ قیمت 16 روپے کے اضافے سے 3417 روپے ہوگئی۔
روزنامہ دنیا ایپ انسٹال کریں
