ڈالرکی قدر میں اضافہ، تولہ سونا3 ہزار روپے سستا
کراچی(بزنس رپورٹر)زرمبادلہ کی دونوں مارکیٹوں میں روپے کے مقابلے ڈالر تگڑا رہا جس سے اوپن مارکیٹ میں ڈالر کی قدر 287روپے کی سطح پر آگئی۔
ادھر عالمی بلین مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہوگئے ۔اسٹیٹ بینک کے مطابق انٹربینک میں ڈالر 10پیسے کے اضافے سے 284.46 روپے ہوگیا۔ فاریکس رپورٹ کے مطابق اوپن مارکیٹ میں ڈالر 16پیسے کے اضافے سے 287روپے پر جاپہنچا۔دوسری جانب عالمی بلین مارکیٹ میں سونا 33 ڈالر کی کمی سے 3292 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 3 ہزار روپے کی کمی سے 3 لاکھ 51 ہزار 500 روپے پر جاپہنچا۔اسی طرح دس گرام سونے کی قیمت 2 ہزار 572 روپے کی کمی سے 3 لاکھ1ہزار 354 روپے ہوگئی۔دریں اثنا چاندی کی فی تولہ قیمت 3841 روپے پر مستحکم رہی۔
روزنامہ دنیا ایپ انسٹال کریں
