معیشت فروغ پانے کی بجائے سکڑنا شر وع ہو گئی، ماہرین
لاہور(آئی این پی)انتہائی سخت شرائط ،خوف و ہراس اور نظام میں سقم ہونے کی وجہ سے 25کروڑ آباد ی والے ملک میں صرف50لاکھ افراد ٹیکس گوشوارے جمع کراتے ہیں جو لمحہ فکریہ ہونا چاہیے۔۔۔
فنانس ایکٹ 2025میں بھی فائلر اورنان فائلر کیٹیگری کو واضح نہیں کیا گیا، اوورسیز کا معاشی طور پر ملک کو چلانے میں کلیدی کردار ہے لیکن انہیں بھی تنخواہ دار طبقے کی طرز پر ریلیف دیا گیا ہے ۔ان خیالات کا ظہار ماہر ٹیکس ، معاشیات و صدر انٹر نیشنل لائرز ایسوسی ایشن پنجاب چیپٹر عاشق علی رانا ،سیکرٹری جنرل اسحاق بریار،سینئر نائب صدر ملک جلیل اعوان،نائب صدور سید عدیل حیدر،زاہد رسول گورائیہ ،فنانس سیکرٹری شیخ عدیل،اعجاز علی،نغمانہ شہزادی ،اشفاق اسلم خان اور دیگر نے ‘‘فنانس ایکٹ 2025’’ کے حوالے سے منعقدہ سیمینار سے خطاب کرتے ہوئے کیا۔ مقررین نے کہا کہ حکومتی پالیسیوں کی وجہ سے معیشت فروغ پانے کی بجائے سکڑنا شر وع ہو گئی ہے ۔انہوں نے کہا کہ وزیر اعظم سے اپیل کہ ایف بی آر کودیے گئے لا محدود اختیارات واپس لئے جائیں۔
