ڈالر کی قدر میں اضافہ ،تولہ سونا 1600روپے مہنگا
کراچی(بزنس رپورٹر)انٹربینک مارکیٹ میں پیر کو امریکی ڈالر کے مقابلے میں پاکستانی روپیہ مزید گراوٹ کا شکار ہو گیا،ادھرعالمی و مقامی مارکیٹوں میں سونے کی قیمتوں میں اضافہ ریکارڈ کیا گیا۔
اسٹیٹ بینک آف پاکستان کے مطابق انٹربینک میں ڈالر26پیسے کے اضافے سے 284.72 روپے پر جاپہنچا۔دوسری جانبعالمی بلین مارکیٹ میں سونا 16 ڈالر کے اضافے سے 3372 ڈالر فی اونس کا ہوگیا۔بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 1600 روپے کے اضافے سے 3 لاکھ 59 ہزار 700 روپے پر جاپہنچا۔اسی طرح دس گرام سونے کی قیمت 1371 روپے کے اضافے سے 3 لاکھ 8 ہزار 384 روپے ہوگئی۔یاد رہے کہ ہفتے کو سونے کی فی تولہ قیمت 1100 روپے کے اضافے سے 3 لاکھ 58 ہزار 100 روپے ہوگئی تھی۔دریں اثنا چاندی کی فی تولہ قیمت 65 روپے کے اضافے سے 4 ہزار 87 روپے ہوگئی۔
روزنامہ دنیا ایپ انسٹال کریں
