ریسرچ اینالسٹ ریگولیشنزمیں مجوزہ ترامیم پر رائے طلب
کراچی(بزنس رپورٹر)سکیورٹی ایکسچینج کمیشن (ایس ای سی پی)نے ریسرچ اینالسٹ ریگولیشنز 2015 میں مجوزہ ترامیم پر عوامی رائے لینے کیلئے نوٹیفکیشن جاری کر دیا ہے ۔
یہ ترامیم کا مسودہ ریسرچ رپورٹس کا دائرہ بڑھانے ، ریسرچ اینالسٹس کی رجسٹریشن لازمی کرنے ، بلیک آؤٹ مدت کو بڑھانے ، رپورٹ میں ہدف قیمت اور تاریخ جیسے انکشافات کو بہتر بنانے اور ریسرچ اینالسٹس کے لیے بات چیت کا ایک ضابطہ متعارف کرانے سے متعلق ہیں، ا س کے ساتھ اسٹاک ایکسچینج ایک ریسرچ پلیٹ فارم بنائے گاجس پر یہ دکھایاجائیگا کہ کن کمپنیوں اور شعبوں پر ریسرچ اینالسٹس نے رپورٹ تیار کی،یہ ترامیم کا مسودہ تیار کرتے ہوئے ایس ای سی پی نے ریسرچ اینالسٹس، بروکریج ہاؤسز، ایسیٹ مینیجرز، اور انڈسٹری ایسوسی ایشنز سمیت اہم اسٹیک ہولڈرز سے تفصیلی مشاورت کی۔ اس سے پہلے ایس ای سی پی نے اسٹیک ہولڈرز سے رائے لینے کیلئے مشاورتی پیپرجاری کیا اور مجوزہ تبدیلیوں پر غور و فکر کیلئے کئی مشاورتی سیشنز کا انعقاد بھی کیا تھا۔
