دو گوداموں پر چھاپے ،880یوریا کھاد کی بوریاں برآمد
فیصل آباد(نیوزرپورٹر)محکمہ زراعت کی ٹیموں نے تحصیل تاندلیانوالہ میں دو گوداموں پر چھاپے مارکر ذخیرہ کی گئیں سونا یوریا کھاد کی 880 بوریاں قبضہ میں لے لیں۔
تفصیلات کے مطابق ڈپٹی ڈائریکٹر زراعت (توسیع)خالد محمود کی زیر نگرانی ٹیموں نے اطلاع ملنے پر گڑھ فتح شاہ تاندلیانوالہ میں غیر منظور شدہ ڈیلرعلی شاہ اینڈ کمپنی کے گودام سے 550 بوریاں جبکہ دوسری کارروائی میں غوثیہ ٹریڈرزکے گودام سے 330 بوریاں قبضہ میں لے لیں جو بلیک مارکیٹنگ کی غرض سے ذخیرہ کی گئی تھیں۔
ٹیموں نے دونوں گودامز سیل کرکے قبضے میں لی گئی کھاد کی بوریاں سرکاری نرخ 1768 روپے فی بوری کے حساب سے کسانوں میں اپنی نگرانی میں فروخت کرادیں جبکہ ذخیرہ اندوزوں کے خلاف فرٹیلائزرکنٹرول آرڈر کے تحت مزید ایکشن بھی لیا جائے گا۔
روزنامہ دنیا ایپ انسٹال کریں
