کرسمس ،سکیورٹی کے انتظامات ، 3072 اہلکارڈیوٹی دینگے
فیصل آباد(سٹی رپورٹر)آرپی او فیصل آباد ڈاکٹر محمد عابد خان کے احکامات پر کرسمس کے حوالے سے ریجن بھر میں سکیورٹی کے انتظامات مکمل کرلیے گئے ہیں۔
ریجن بھر میں کرسمس کے حوالے سے 439مذہبی رسومات کی سکیورٹی کیلئے 3072افسر و اہلکاران ڈیوٹی سرانجام دیں گے ۔کرسمس کے حوالے سے ڈسٹرکٹ فیصل آباد میں 339ڈسٹرکٹ جھنگ9 ڈسٹرکٹ ٹوبہ ٹیک سنگھ89اور ڈسٹرکٹ چنیوٹ میں 2مذہبی رسومات منعقد ہوں گی۔کرسمس کے حوالے سے سکیورٹی ڈیوٹی کو تین سطحوں میں تعینات کیا جائے گا۔کرسمس کے حوالے سے ریجن بھر میں سکیورٹی کے انتظامات کو فول پروف بنایا جائے گا۔کرسمس کے موقع پر مسیحی برادری پرامن ماحول میں اپنی مذہبی رسومات ادا کرسکیں گے ۔اہم شاہراہوں اور بالخصوص چرچ ہائے کے اطراف میں ایلیٹ فورس کے دستے موثر سرویلنس کو یقینی بنائیں گے ۔
روزنامہ دنیا ایپ انسٹال کریں
