ڈپٹی کمشنر کاشہر میں صفائی کی مانیٹرنگ کیلئے مختلف علاقوں کا دورہ
فیصل آباد(خصوصی رپورٹر)ڈپٹی کمشنر فیصل آباد کیپٹن (ر)ندیم ناصر شہر میں صفائی کی مانیٹرنگ کیلئے خود فیلڈ میں نکل پڑے۔۔
انہوں نے ستیانہ روڈ تا بائی پاس،مکوآنہ روڈ،جڑانوالہ روڈ،پیپلز کالونی،بٹالہ کالونی،وارث پورہ ودیگر علاقوں کا دورہ کرتے ہوئے صفائی کے کام کو چیک کیااور سی ای او ویسٹ مینجمنٹ کمپنی کو عملہ صفائی کی تعداد بڑھانے کی ہدایت کر دی۔ ڈپٹی کمشنر نے اس موقع پر مقامی افراد سے کام بارے فیڈ بیک لیا۔ڈپٹی کمشنر کا کہنا تھا کہ حکومت پنجاب کی طرف سے شہروں اور دیہات میں صفائی کا یکساں نظام نافذ کیا گیا ہے ،کام میں کسی قسم کی غفلت برداشت نہیں کی جائے گی۔انہوں نے کہاکہ ویسٹ مینجمنٹ کمپنی صفائی کی ذمہ داریاں احسن طریقے سے نبھائے اور صفائی عملے کی کارکردگی کو مزید بہتر بنایا جائے ،عوام کو صاف ماحول کی فراہمی اولین ترجیح ہے ۔ڈپٹی کمشنر کیپٹن(ر)ندیم ناصر کا کہنا تھاکہ صفائی بارے عوامی شکایات پر فوری کارروائی کی جائے گی۔
