چنیوٹ :ایس پی انویسٹی گیشن کی مسجد میں کھلی کچہری
چنیوٹ(ڈسٹرکٹ رپورٹر )چنیوٹ پولیس کے کمیونٹی پولیسنگ کے فروغ کیلئے اقدامات جاری ہیں،ایس پی انویسٹی گیشن چنیوٹ محمد سلیم خٹک نے جمعتہ المبارک کے موقع پر جامعہ مسجد گلزار مدینہ میں کھلی کچہری لگائی ،ا س موقع پر ایس ایچ او تھانہ سٹی،انچارج کمپلینٹ سیل اوردیگر پولیس افسران اور نمازیوں کی کثیر تعداد موجود تھی ۔
ایس پی انویسٹی گیشن نے شہریوں کے مسائل سنے اورمسائل حل کرنے کی یقین دہانی کراتے ہوئے متعلقہ افسران کو دادرسی کے احکامات جاری کر دیئے ۔انہوں نے کمپلینٹ سیل کو درخواستوں کی دادرسی یقینی بنوا کرفالواپ رپورٹ پیش کرنے کی بھی ہدایت کی ۔ایس پی انویسٹی گیشن چنیوٹ محمد سلیم خٹک نے پنجاب پولیس کی مختلف سروسز سے متعلق شرکاء کو بریفنگ دی اور خطاب میں کہا کہ مسجد میں کھلی کچہری لگانا حضرت محمدؐ کی سنت ہے تاکہ آپ کے مسائل آپ کے پاس آکر سن کر حل کئے جائیں اور کمیونٹی پولیسنگ کو فروغ دیا جائے ،شہری معاشرتی،اخلاقی برائیوں و جرائم پیشہ عناصر سے متعلق اطلاع دے سکتے ہیں،شہری پویس سے متعلق شکایت نوٹ کروا سکتے ہیں،انکی دادرسی یقینی بنائی جائے گی۔ایس پی انویسٹی گیشن چنیوٹ نے مزید کہا کہ لوگوں کی جان و مال کی حفاظت،امن و امان کا قیام اولین ترجیح ہے ،تمام وسائل بروئے کار لاتے ہوئے پبلک سروس ڈلیوری میں بہتری کیلئے اقدامات جاری ہیں۔
