منڈی بہاؤالدین :جعلی کھاد فروخت کرنے پر دکاندار گرفتار
پھالیہ( نامہ نگار )تابش ٹریڈرز پھالیہ روڈ منڈی بہاؤالدین جعلی کھاد فروخت کرنے پر گرفتار، ڈپٹی ڈائریکٹر زراعت (توسیع) منڈی بہاؤالدین کی جعلی کھاد بیچنے والے شہروز خان کے خلاف کارروائی۔
تفصیلات کے مطابق ڈپٹی کمشنر ڈاکٹر فیصل سلیم کی ہدایت پر ڈپٹی ڈائریکٹر زراعت( توسیع) شیخ محمد اقبال نے تابش ٹریڈرز پھالیہ روڈ منڈی بہاؤالدین سے چارکول کراپ سپلیمنٹ (زنک کھاد) کا سیمپل لے کرلیبارٹری سے تجزیہ کروایا تو مذکورہ کھاد بالکل جعلی اور غیر معیاری نکلی۔ جس پر شیخ محمد اقبال نے تھانہ سول لائن میں مقدمہ درج کرا کر تابش ٹریڈرز کے مالک شہروز خان ولد شمیم اختر کو موقع پر گرفتا ر کروا کر حوالہ پولیس کر دیا۔ کاشتکاروں نے محکمہ زراعت (توسیع) کے اس اقدام کو سراہا اور ڈپٹی کمشنر ڈاکٹر فیصل سلیم سے اپیل کی کہ کسانوں کا استحصال کرنے جعل سازوں اور جعلی کھاد فروخت کرنے والوں کے خلاف سخت قانونی کارروائی کی جائے تاکہ مستقبل میں ایسا مکرہ دھندہ کی کوئی کوشش نہ کرے ۔
