ڈینگی مچھر کی افزائش کے مقامات مکمل کلیئر کریں :کمشنر
گوجرانوالہ(سٹاف رپورٹر )ڈینگی پرمؤثر کنٹرول اور اس کا مکمل خاتمہ وزیراعلیٰ پنجاب مریم نواز شریف کی اہم ترجیح ہے۔۔۔
ان خیالات کا اظہار ڈپٹی کمشنر گوجرانوالہ و گجرات نوید احمد نے گجرات ڈسٹرکٹ ایمرجنسی ریسپانس کمیٹی برائے انسداد ڈینگی کے ویڈیو لنک اجلاس سے خطاب کرتے ہوئے کیا۔ انہوں نے کہاکہ موسم کی تبدیلی کے پیش نظر ڈینگی مچھر سے تحفظ کے لیے بروقت انسدادِ اور سرویلنس آپریشن شروع کیا جائے ۔ہمیں اپنی سرگرمیوں کو بروقت تیز اور بہتر بنانا ہوگا تاکہ ڈینگی مچھر کی افزائش کے تمام اسباب کوختم کیا جاسکے ۔ تمام محکمے انسدادِ ڈینگی سرگرمیاں بر وقت اور ڈینگی کی وبا کے پھیلاؤ کو روکنے کے لیے ایمرجنسی ریسپانس کمیٹیوں کے ذریعے انسدادِ ڈینگی سرگرمیوں کی مانیٹرنگ جاری رکھیں ،اس سلسلہ میں تمام محکموں کی کارکردگی کو فرداً فرداً جانچا جائے گا، اس ضمن میں تمام متعلقہ محکمے ڈینگی سرویلنس کرنے والے موبائل یوزرز کی مانیٹرنگ اور انسدادی سرگرمیوں کو یقینی بنائیں، ہاٹ سپاٹ علاقوں کی باقاعدگی سے مانیٹرنگ کریں اور ڈینگی مچھر کی افزائش کے تمام ممکنہ مقامات کو مکمل طور پر کلیئر کریں اور جن محکموں کو ذمہ داریاں سونپی گئی ہیں ،وہ پوری طرح متحرک ہوں اور اپنا کام تیز کریں۔
