اسلام آبادمیں گزشتہ سال آتشزدگی کے 1685 واقعات
اسلام آباد (ایس ایم زمان) وفاقی دارالحکومت میں سال 2022 میں آگ لگنے کے 1685 واقعات ہوئے ۔
وفاقی دارالحکومت میں سب سے زیادہ 41فیصد گرین ایریا میں آگ لگنے کے واقعات ہوئے ۔ سی ڈی اے اور میٹر و پولیٹن کارپوریشن کے پاس ہائی رائز عمارتوں کی اونچائی کے مطابق آگ بجھانے کیلئے اسنارکل (snorkels) دستیاب ہی نہیں ۔ رپورٹ کے مطابق 2020 تا 2022 اسلام آباد میں آتشزدگی کے واقعات کی تعداد میں اضافہ ہوا ۔ اسلام آباد میں 2020 میں 1134 اور 2021 میں 1173 واقعات ہوئے ۔ اسلام آباد میں سال 2022 میں 1685 واقعات میں سے گرین ایریا میں 686 ، گھروں میں 321 ، تجارتی علاقوں میں 167، سرکاری عمارتوں میں32، صنعتی علاقوں میں 54، دکانوں میں42 اور کوڑے کے ڈھیروں کو آگ لگنے کے 173 واقعات شامل ہیں ۔ ،بجلی کی تاروں اور شارٹ سرکٹ سے 168، گاڑیوں کو 104، گیس سے آگ کے لگنے کے 46 واقعات ہوئے ۔ سی ڈی اے اور میٹر و پولیٹن کارپوریشن کے پاس 68میٹر تک آگ بجھانے کیلئے اسنارکل موجود ہیں جبکہ اسلام آباد میں متعدد ہائی رائز بلڈنگ کی اونچائی 113 میٹر ہے ۔
