ایف ڈی ای نے اسلام آبادپولیس شہداماڈل کالج کی منظوری دیدی
اسلام آباد (خبر نگار)وفاقی وزیر برائے وفاقی نظامت تعلیم نے اسلام آباد پولیس کیلئے اسلام آباد پولیس شہدا ماڈل کالج کی منظوری دے دی۔
کالج پولیس لائن ہیڈ کوارٹرز میں بنایا جائے گا،وفاقی وزیر داخلہ رانا ثنا اللہ اور وفاقی وزیر برائے وفاقی نظامت تعلیم رانا تنویر حسین نے پولیس اہلکاروں کی ویلفیئر کے لئے بڑا اقدام کرتے ہوئے اسلام آباد کیپٹل پولیس کے لئے ’’اسلام آباد پولیس شہدا ماڈل کالج ‘‘ کی منظوری دی۔پولیس کالج میں پولیس شہدا اور پولیس اہلکاروں کے بچے نرسری تا انٹرمیڈیٹ تک معیاری تعلیم حاصل کرسکیں گے ۔ کالج کے قیام کے کچھ عرصے بعد اس کو کیڈٹ کالج کا درجہ دے دیا جائے گا۔وزیر وفاقی نظامت تعلیم نے کالج کی منظوری شہدائے پولیس کی قربانیوں کو مدنظر رکھتے ہوئے دی۔
روزنامہ دنیا ایپ انسٹال کریں
